李克勤慶祝成立30週年演唱會2019澳門站

一首「紅日」，成為橫跨4個年代嘅經典名曲；今年12月，出道30周年嘅「佢」終於再臨澳門！

著名香港歌手李克勤將於12月14日假澳門金光綜藝館舉行《李克勤慶祝成立30週年演唱會澳門站》。出道至今已經發行超過70張專輯，作為粵語樂壇最輝煌時期嘅代表人物，李克勤近年更不斷挑戰自我，參與《我是歌手》、《蒙面歌王》、《中國夢之聲 - 我們的歌》等人氣歌唱節目，以嶄新編曲嘅音樂實力以及持續求變嘅專業心態，為歌迷展現殿堂級嘅音樂享受。

今次《李克勤慶祝成立30週年演唱會澳門站》，除咗欣賞到李克勤一流歌聲外，四面台舞台設計、視覺效果，甚至係舞蹈編排，都將會注入全新元素，克勤更預告將會將紅磡香港體育館嘅震撼感，毫無保留地喺澳門金光綜藝館重現！